СҚО-да Денсаулық сақтау саласындағы талдау қатерлі ісікке шалдыққан азаматтардың құқықтары мен мүдделерінің өрескел бұзылғанын анықтады,- деп хабарлайды Tengrinews.kz тілшісі Солтүстік Қазақстан облысының прокуратурасына сілтеме жасап.
Медициналық ұйымдар Әлеуметтік кодекстің талаптарына қайшы,мүгедектікті анықтау үшін осы санаттағы 100-ден астам азаматты медициналық-әлеуметтік сараптамаға жібермеген.
"Қадағалау органының актісі бойынша азаматтарға мүгедектік белгіленді,бұл оларға әлеуметтік қолдаудың барлық құқықтарын пайдалануға және мемлекеттік әлеуметтік жәрдемақы алуға мүмкіндік берді. Заңбұзушылықтар үшін 2 лауазымды тұлға заңда белгіленген жауапкершілікке тартылды",- делінген хабарламада.
2024-07-12