Алматыдағы атақты "Оптовка" базарының болашағы қандай болмақ? Алматы қаласының кәсіпкерлік және инвестициялар басқармасы Райымбек даңғылы мен Розыбакиев көшесінің қиылысында орналасқан базардың алдағы тағдыры туралы баяндама жасады,- деп хабарлайды Tengrinews.kz тілшісі.
Алматылықтар арасында базарды реконструкциялауға қатысты қауесет пайда болады.
Әкімдік басқармасының мәліметінше,базардың иесі "Market Rent Company" ЖШС. Сондай-ақ,әкімдік меншік иесінің бастамасы бойынша базарды ішінара қайта құру және жаңғырту жүргізілетінін хабарлады.
"Басшылықтың айтуынша,базарды бұзу,сату немесе нысаналы мақсатын өзгерту жоспарланбаған,базар өз қызметін жалғастырады",- деп хабарлады кәсіпкерлік және инвестициялар басқармасы.
Алайда,базар басшылығы жоспарланған жұмыстардың эскизі мен көлемін бекітпеді,сондықтан құрылыс жұмыстарының басталу және аяқталу күні туралы ақпараттандыру мүмкін емес.
"Бүгінде базар толық жұмыс істеп тұр. Жұмыс істеп тұрған базар саудагерлері басшылықпен уағдаластық шеңберінде өз қызметін жалғастырады",- деп толықтырды Алматы қаласының кәсіпкерлік және инвестициялар басқармасы.
Еске салайық,2013 жылы желтоқсанда "Найза-БН" компаниясы мемлекеттен халық арасында "Оптовка" деген атаумен танымал Barys IV базарын сатып алған болатын. Ал 2022 жылы сот Алматы "Оптовка" базарын мемлекетке қайтарғаны хабарланды,өйткені бұл нысан бес есе төмендетілген бағамен сатылғаны анықталды: нарықтық құны 1,5 миллиард теңге болса,ол 307 миллион теңгеге сатылған болып шықты.
2024-08-23