Ішкі істер министрлігі электрсамокаттарды пайдалану ережесін одан әрі жетілдіру жоспарын бөлісті,- деп хабарлайды Tengrinews.kz тілшісі.
Ведомство мәліметінше,қазіргі уақытта заңнамаға тиісті түзетулер әзірленіп жатыр.
"ІІМ тарапынан самокаттарды пайдалануды одан әрі заңнамалық реттеу мәселесі пысықталатын болады,ол түзетулер қалыптастырылғаннан кейін жария талқылауға шығарылады",- деп жауап берді ІІМ Tengrinews.kz сұрауына.
Сондай-ақ,құрылғыларды пайдалану мәселелерін реттеу,оларда жүріп-тұру кезінде қауіпсіздіктің тиісті деңгейін қамтамасыз ету мақсатында жол инфрақұрылымы саласындағы уәкілетті органдар ретінде әкімдіктерге елді мекендерде веложолақтар мен веложолдар желісін жайластыру мен кеңейтуді көздеу ұсынылған.
2024-10-28