Синоптиктер Қазақстанның 14 өңірінде қолайсыз ауа райына байланысты ескерту жасады,- деп хабарлайды Tengrinews.kz тілшісі.

Синоптиктер Қазақстанның 14 өңірінде қолайсыз ауа райына байланысты ескерту жасады,- деп хабарлайды Tengrinews.kz тілшісі.

Маңғыстау облысында оңтүстік-шығыстан жел соғады,облыстың батысында,оңтүстігінде екпіні секундына 15-20 метрге жетеді.

Түркістан облысының батысында,оңтүстігінде,таулы аудандарында тұман түседі.

Абай облысының батысында,солтүстігінде,орталығында жаяу бұрқасын. Жел оңтүстік-шығыстан,оңтүстіктен соғады,орталығында екпіні секундына 23 метрге дейін жетеді.

Ақтөбе облысында түнде облыстың батысында,күндіз солтүстігінде,батысында көктайғақ.

Шығыс Қазақстан облысының солтүстігінде,шығысында жаяу бұрқасын. Жел оңтүстік-шығыстан соғады,облыстың солтүстігінде,шығысында екпіні секундына 15-20 метрге жетеді.

Қарағанды облысының батысында,солтүстігінде жаяу бұрқасын. Облыстың шығысында,оңтүстігінде тұман. Оңтүстік-батыстан,оңтүстіктен жел соғады,солтүстігінде екпіні секундына 15-20 метрге дейін жетеді.

Солтүстік Қазақстан облысының солтүстігінде,шығысында жаяу бұрқасын. Оңтүстік-батыстан жел соғады,екпіні секундына 23-28 метрге жетеді.

Батыс Қазақстан облысының батысында,күндіз облыстың басым бөлігінде тұман,көктайғақ. Жел оңтүстік-батыстан,күндіз облыстың батысында,солтүстігінде екпіні секундына 15-20 метрге жетеді.

Атырау облысының батысында,оңтүстігінде көктайғақ,тұман.

Қостанай облысының солтүстік жартысында жаяу бұрқасын. Оңтүстік-батыстан жел соғады,екпіні - 15-20 м/с.

Жетісу облысында оңтүстік-шығыстан жел соғады,Алакөл көлдері ауданында екпіні - 17-22 м/с.

Ақмола облысының батысында,шығысында кей уақыттарда екпіні секундына 23-28 метрге жетеді.

Павлодар облысының батысында,оңтүстігінде оңтүстік-батыстан жел соғады,күші секундына 15-20 метрге жетеді.

Астанада оңтүстік-батыстан жел соғады,күші 15-20 м/с,түнде және таңертең екпіні 23 м/с болады.