Танымал қытайтанушы Иван Зуенко Қасым-Жомарт Тоқаевтың тағы бір сирек кездесетін суретін жариялады,- деп хабарлайды Tengrinews.kz тілшісі.
Оның айтуынша,шынында да,бұл - сирек кездесетін сурет.
"1983/1984 оқу жылының тағылымдамадан өтушілер тобының Бейжің тіл институтындағы сабақ кезінде түсірілген суреті... Екінші қатарда екінші тұрған - қазіргі Қазақстан Президенті Қасым-Жомарт Кемелұлы Тоқаев. Оның жанында сол кездегі ММУ тарих-филология факультетінің деканы Антонина Федоровна Котова. Бірінші қатардың оң жақ шетінде - ММУ Шығыстану институтының түлегі,қазі Ресей Федерациясының ҚХР-дағы елшісі Игорь Владимирович Моргулов",- деді Зуенко.
Қытайтанушының айтуынша,Қасым-Жомарт Тоқаев тағылымдамадан өтушілердің бірінші тобының старостасы болған. 1984-1985 жылдары ол КСРО Сыртқы істер министрлігінің орталық аппаратында қызмет атқарған,ол кезде бұл өте беделді жұмыс болып саналған.
Иван Зуенко — ММХҚИ Халықаралық зерттеулер институтының аға ғылыми қызметкері,шығыстану кафедрасының доценті,тарих ғылымдарының кандидаты.
2025-01-14