Швейцария АҚШ-тың сайланған президенті Дональд Трамп пен Ресей президенті Владимир Путиннің кездесуін қабылдауға дайын екенін мәлімдеді,- деп хабарлайды Tengrinews.kz тілшісі "Le Temps" газетіне сілтеме жасап.
Жарияланымда елдің СІМ өкілі Николас Бидо Швейцария билігі бұл мәселеде бастама көтергісі келмейтіні атап өтілген. Олар Путин мен Трамптың кездесуін "сұраса" ғана ұйымдастырады.
Бидоның айтуынша,2024 жылдың маусымында өткен Бюргенштоктағы бейбітшілік саммитінен кейін Украина,Ресей және АҚШ Швейцария тарапынан "бейбітшілікті орнатудағы кез келген дипломатиялық күш-жігерді қолдауға дайын болу туралы" жүйелі түрде сұрайтын.
Еске салайық,жақында сайланған АҚШ президенті Дональд Трамп Ресей басшысы Владимир Путин онымен кездесуге ниет білдіргенін айтты. Трамп екі көшбасшы арасындағы мүмкін келіссөздердің мерзімін атаған жоқ,бірақ кездесу ұйымдастырылатынын мәлімдеді.
2025-01-14