ПОДЕЛИТЬСЯ

Қазақстанда 2024 жылдың қорытындысы бойынша,қолма-қол ақшасыз төлемдердің едәуір өсуі тіркелді. Ұлттық банк мәліметінше,мұндай операциялар саны 13,4 пайызға өсіп,жалпы көлемі 166,1 триллион теңгеге жеткен,- деп хабарлайды Tengrinews.kz тілшісі.

Қазақстандықтар күн сайын орта есеппен 35,1 миллион қолма-қол ақшасыз транзакция жасап,олардың жалпы сомасы 453,6 миллиард теңге болған. Қолма-қол ақшасыз төлемдердің үлесі барлық операциялардың 98 пайызын,ал жалпы көлемнің 87 пайызы болған. Бұл халықтың цифрлық қаржы құралдарына деген жоғары сенімін көрсетеді.

Транзакциялардың негізгі бөлігін – 90 пайызы – қазақстандықтар банк онлайн-сервистері арқылы жүргізген. Сонымен қатар,интернет және мобильді банкинг қолданушыларының саны 13 пайызға артып,25,9 миллион адамға жеткен. Орта есеппен,әрбір пайдаланушы жылына 6,1 миллион теңгенің онлайн-транзакциясын жасаған.