ПОДЕЛИТЬСЯ

Ауыл шаруашылығы вице-министрі Ермек Кенжеханұлы Қазақстанда ет қымбаттай ма деген сұраққа жауап берді,- деп хабарлайды Tengrinews.kz тілшісі.

Вице-министрдің айтуынша,былтыр Қазақстанда 1,1 миллион тоннадан астам сиыр және қой еті өндірілген,бұл елдің ішкі қажеттілігін толық қамтамасыз етеді.

"Былтырғы қорытынды бойынша,ет өндірісі шамамен 4 пайызға,оның ішінде сиыр еті 2 пайыздан астамға өсті. Бұл шаралар халықты етпен толық қамтамасыз етуге мүмкіндік береді,сондықтан өндіріс көлеміне байланысты ет бағасының өсуіне әсер ететін факторларды әзірге байқамаймыз",– деді Кенжеханұлы Сенат кулуарында.

Шенеуніктің айтуынша,бұған дейін ет бағасының өсуіне Өзбекстан тарапынан жоғары сұраныс әсер еткен.

"Бірақ соңғы бір аптада баға тұрақталды,әрі қарай факторларды (қымбаттау - еск.) әзірге болжап отырған жоқпыз. Қазіргі уақытта мал өсірушілерге айналым қаражаты үшін 5 пайыздық жеңілдетілген қаржыландыру қарастырылып жатыр. Бұл шара елдегі ет өндірісін қосымша ынталандыруға мүмкіндік береді. Қазіргі уақытта сиыр етінің орташа бағасы келісіне 2700-3000 теңге шамасында",– деп толықтырды вице-министр.