Батыс Қазақстан облысында полицейлер кісі өлтірді деген күдікпен 31 жастағы ер адамды іздестіріп жатыр,- деп хабарлайды Tengrinews.kz тілшісі Аlmaty.tv телеарнасына сілтеме жасап.
"Мой город" басылымының мәліметінше,облыстық полиция департаменті Данияр Мақсотовқа іздеу жариялады.
Күдікті орташа денелі,шашы қара,көзі қоңыр.
"Күдікті азамат туралы көріп-білгендер болса,БҚО ПД-нің кезекші бөліміне 102,8 705 747 99 99,8 7112 98 45 30 телефондары арқылы хабарласуды сұраймыз",- делінген хабарламада.
Айта кетейік,2024 жылдың 5 ақпанында мессенджерлерде Абай полиция бөлімінен хабарлама таратылды. Онда үш ер адамның "аса ауыр қылмыс" жасағаны үшін іздеуде жүргені айтылды. Олардың арасында Данияр Мақсотовқа ұқсас адамның суреті де болған.
2024 жылдың 2 ақпанында Дәулеткерей көшесіндегі жеке сектордан зорлықпен өлім белгілері бар ер адамның мәйіті табылды. Сол кезде полицейлер қылмысқа күдікпен үш ер адамның іздеуде жүргенін растады.
2024-11-19