ІІМ тергеу департаменті трансұлттық ҰҚТ құру және оған қатысу дерегі бойынша көп эпизодты қылмыстық істі тергеуді аяқтады,- деп хабарлайды Tengrinews.kz тілшісі Polisia.kz сайтына сілтеме жасап.

ІІМ тергеу департаменті трансұлттық ҰҚТ құру және оған қатысу дерегі бойынша көп эпизодты қылмыстық істі тергеуді аяқтады,- деп хабарлайды Tengrinews.kz тілшісі Polisia.kz сайтына сілтеме жасап.

2023 жылғы тамызда ІІМ ұйымдасқан қылмысқа қарсы күрес жөніндегі бөліністерімен бес ірі қалада (Астана,Алматы,Шымкент,Қарағанды,Ақтөбе) Қазақстан мен жақын шетелдердің азаматтары ұсталды.

"Олар модельдік агенттіктің атын жамылып,Web-Cam арқылы интимдік сипаттағы материалдарды дайындаумен және таратумен айналысқан. Қылмыстық бизнеске 18 жастан 25 жасқа дейінгі қазақстандық қыздар тартылған. Қылмыстық топтың ақша айналымы үш миллиард теңгеден асқандығы анықталды",- делінген хабарламада.

Қылмыстық іс бойынша 21 адам күдікті деп танылған. Олардың мүлкі тәркіленіп,12 жылға дейінгі мерзімге бас бостандығынан айыру жазасы тағайындалуы мүмкін.

"Былтыр желтоқсанда осыған ұқсас қылмыстық сызбаның жолы кесілді. Шығыс Қазақстан облысы прокуратурасының үйлестіруімен аумақтық ұйымдасқан қылмысқа қарсы күрес бөлінісінің жедел уәкілдері бір мезгілде еліміздің 11 өңірінде аталған қылмысқа қатысы бар 50-ден астам адамды құрықтап,жеткізді. Сотқа дейінгі тергеп-тексеру ҰҚТ құру және оған қатысу фактісі бойынша жүргізіліп жатыр",– деді ІІМ ұйымдасқан қылмысқа қарсы күрес департаментінің өкілі Қуандық Алпыс.