ПОДЕЛИТЬСЯ
Көкшетауда 20 жастағы жігіт үйіне жетудің ерекше тәсілін таңдап,бөтеннің ВАЗ-2114 маркалы автокөлігін айдап әкеткен,- деп хабарлайды Tengrinews.kz тілшісі Polisia.kz сайтына сілтеме жасап.
5 ақпанда көлік иесі полицияға жүгініп,автокөлігі жоғалғанын хабарлаған. Алайда ол көлігін екі күн бойы тексермегенін,сондықтан ұрлықтың нақты қашан болғанын білмейтінін айтқан. Бейнебақылау камераларының көмегімен күдіктінің жүрген жолы анықталды.
Полиция мәліметінше,3 ақпанға қараған түні мас күйдегі тұрғынның көлікке көзі түсіп,кілті ішінде тұрғанын байқаған. Көлік есіктері жабық болған. Ол жүксалғыш арқылы ішке кіріп,машинаны оталдырған. Үйіне жеткеннен кейін көлікті көшеге қалдырып кеткен.
2025-02-07